Se Dio ‘l savés tut

di Cornelio Galas

I ho zamài lèti squasi tuti quei libri
che parla de quel che pol èserghe de là
quei che d ìs che gnent finìs dopo morti
e quei che fa capir che tut finìs chì…

Gh’è po’ gazèri, su ste grande questióm
a seconda de dove te sei vegnù al mondo
dei maestri che t’ha ensegnà la religióm
e po’ de le compagnìe che pu t’è piasèst.

Te ghe crederèsi a Manitù, Buda, Maométo
o magari anca en marziani vegnui da lontam
sol perché quel, sol de quel t’hai sentù,
entànt che i te féva le braghe pu grande.

Me domando, tut mal, anca da vecio ceregòt,
se quando se sonéva a Mésa quel campanèl…
Dio ‘l savéva che ‘l févo sol come ‘n gèst,
perché ‘l Dòn, voltàndose, l’aveva fàt segn.

Ma adès, envanti coi ani, gò dubi diversi,
a scominziàr,propri, da quel che Dio ‘l sa,
de mi, de quei morti prima, de ‘sto mondo,
de quei, anca cristiani, che tòl per ‘l cul.

Ah vòi veder se de là, l’ha tegnù cont de tut,
de quei che ha fat bem, de quei che ha fat mal,
e anca de quei gnent ha fat per no sbagliarse,
e anca de quei che no ha mai volù l’acua santa.

Ah voi veder come l’ha fat, col Spirito Santo,
a tegnir nota de tut quel che suzéde chi soto,
che compiuter gàlo, su qual tacuìm scrivelo?
E gàlo temp, dopo ‘ste robe, per tut el rèst?

Po’ me digo: massì l’è stà lù a ‘nventar tut,
el savéva prima de tuti cossa avréssem trovà,
che l’è stà lu a sconder l’oro nele montagne,
forsi anca l’uranio per far le bombe atomiche?

L’è colpa dela nòssa enteligenza (data da lù?)
se avém trovà drio mam el modo de rangiarne?
Se dovem laoràr per portar a nossa cà ‘l pam?
E le done le deve strusiàr per far i so bòci?

Colpa de Adamo e Eva sem tuti sula stessa barca?
Ma chi elo che ha fat quel pòm e anca quel bìs?
El so, ‘n dì i me meterà anca mi soto la tera…
ma osc’ia se Dio ‘l gh’è el me dovrà risponder.