DESMENTEGAI

Suzède pù da morti che da vivi,

no l’è vera, anca da vivi, da vivi …

de colp nesùni se ricorda de ti.

Te devénti come ‘n fantasma,

che pàssa ‘n piàzza, tra la zènt

squasi te fussi senza òssi e pèl.

N’òm, na dòna, l’è l’istèss …

Par de de sbusàr le pareàne,

senza che nessùni sènta ‘l ciàs.

Par de podér giràr anca nudi

Tanto chi el che se ne scorzerà?

La capita ai veci ma anca ai zòveni,

basta no nàr d’acordi coi pu,

basta dir sol che quel se pensa,

basta no voler, propri a tuti i costi

avérghe compagnia, tant che basta.

El tempe l va ‘nvanti, ‘nvanti,

e l’empienìs tut quant de tanta polver,

la nèf la devènta de colp pacièca,

i òci i varda de là, se te passi ti.

Alòra te vei voia de far l’eremìta,

de scònderte del tut dal mondo,

de pensàr da sol, magnar da sol,

dormir da sol, vivere da sol.

Meio ésser desmentegai, che compatìdI,

meio nar via en pònta de péi

che tra requiemeternam sbaiai,

falsi, dìti su sol perché bisogn dirli.

El mondo el ghe sarà ancora, ancora

anca quando mi no ghe sarò pu.

Se sa che fin fa semper i ricordi,

no se sa, entant, che fin fén noi.

Tégneme le man se àrfio poch,

vorìa dàrte ‘n baso co l’ultima aria

che me resta nei polmoni.