Chi votar? Vagò da me neò ragionier…

di Cornelio Galas

-Ehila Bepi, ‘sa fat zà ‘n pè a ste ore?
“Ah gnent, do pàssi… giust per mover le gambe”
-Ma se de solit te sei en giro sol sul tardi, dai…
“A dirtela tuta vago da me neó ragionier, el fiol del Fausto”
-Problemi co la pensiom?
“No, l’è che me neó l’ha fat le scole alte. L’ha dit che ‘l me desbròia da sto casim che gò en testa”
-Ma vara che se te gài problemi en testa pu che da ‘n ragioniér te dovréssi nar da ‘n dotor, da quei che con do domande i capìs subit el tài del to zervel neh…
“No, no gò miga problemi de quel genere lì… l’è co ste eleziom en Trentim, che no capìsso tant bem chi nar a votar. E zamài ghe sém neh…”
-Ma no sta tòrme per el cul dai, che i lo sa tuti che t’hai semper votà democristiam e pò el Pptt, pò el Dellai…
“Eco, te l’hai dita, de solit gavévo le idee ciàre. Per dirte: quando néva su i democristiani, se te eri dei lori, prima o dopo na mam i te la deva neh. Bastéva farse veder ai comizi, ale riuniom, en ciésa. Magari a lezer Vita Trentina, capìssit come?”
-Eh, te gài resom anca ti. Anca mi a so temp, se no gh’era me papà che ‘l conosséva quei giusti, miga sarìa nà a laorar ala Rurale. E sat quanti dela nossa età no i ha fàt la naja perché… si tut mal varda che secondo mi, se ades te la ciapi ala larga… prima o dopo anca quei che dis che no i varda en facia nesuni… qualcos i mòla, te verài.
“Mah, sperénte che la sia cosita, a ogni modo no savrìa propri chi votar. E me neó ‘l m’ha dit che enveze stavolta el gà le idee ciare, che l’è ora de cambiar l’andazo en sta provincia, cramento”
-E per chi votela to neó alora?
“Eco, ‘l m’ha dit de nar a trovarlo stamatina sul prest che ‘l gà anca da darme dele carte”
-Osc’ia, alora el se candida… el te darà i so santini.
“No ‘l m’ha parlà de santini… po’ el gà ‘l so dafàr co l’uficio, no credo sat che el se candida”
-I dìs così tuti, po’ però, quando i ghe domanda se i se mete en lista… i ariva subit co le foto del matrimoni per la reclam.
“No, me neó no l’è gnanca sposà. O meio l’era sposà ma ades el vive per so cont. El gà anca do fioi sat?”
-Eco, te verài alora che l’è per sistemar i fioi. Gh’è semper drio en damela tomela a ste robe.
“Ma varda che i è ancora picoi neh…”
-Sì ma i fà prest a deventar grandi, credeme.
“Sarà. Tut mal vago a veder quel che ‘l me dìs. Anca perché ho vist sul giornale che gh’è en sach de sent che se candida come presidente, gh’è en gazèr de liste, de quei che va anca en televisiom per farse veder meio”
-L’è semper stada cosìta sat, no l’è miga na novità. Po’ ala fim quele l’è le careghe… no ghe n’è per tuti. Po’ con quel che ancora se ciapa a nar en consilio provinciale. Oh l’è come vinzer na cifra al grata e vinzi neh… de pù, soldi sicuri tant al mes per zinque ani. Ciàmeghe poch.
“Beh dai pitost che i ghe faga la gresta… che i ciava coi apalti…”
-Ma tòme na curiosità to neó… el fiol del Fausto t’hai dit no? Eco, to neó no èrel quel che quando gh’era Renzi el neva en giro a dar i santini del Pd?
“Sì, l’è vera. Ma l’è zamài da quando i ha pers el referendum che ‘l s’è tirà fora neh”
-E ades con chi èlo finì?
“Eco, volerìa saver anca questo perché prima de marz passà me pareva che l’era ciapà da quei vegnui fora dal Pd, po’ quando se nèva for a magnar la pizza el parleva bem del Grilo, e ultimament…”
-Zà, ‘n do elo finì?
“Te digo sol che sul redito de citadinanza el m’ha fat strani ragionamenti…”
-Tipo?
“Che alora se pol darghel anca a l’uranio empoverì”

Questa voce è stata pubblicata in Senza categoria. Contrassegna il permalink.