CHE NO ‘l SUZEDA PU

Scarponi co le broche

che par de le ruspe

i bate per tera

i vol schizàr tut

Su per le scale

senza dir gnent

facie che no gà oci

e boche che sbraita

“Schnell, schnell”

i sprèchena col sciòp

No i gà dat temp

gnanca de pissàr

Zo tuti nela còrt

su tuti su quel càr

Me papà

co la giaca sbregada

da quei

che lo ‘nmucièva

l’ha fat en segn

co la testa, per dir:

“Scòndete, valà”

Som restà per ore

tra ‘l cesso

e le robe sporche

Quando som vegnù for

no gosèva

pù nesùm

Ho spetà dì, stimane

mesi e ani

girando come ‘n càin

binando su da tera

vanzaròti, sbèteghe

e ricordi de quel dì

Me mama, me fradèi grandi

me papà e anca i noni

e chiel che l’ha visti pu

Tel digo, caro popo

bel come to mama

no per spaventarte

ma perchè

no ‘l suzeda pu