BRUNO CATTOI

Vorìa sbaiarme, anca de tant. Ma secondo mi, el Bruno dala Moleta, che l’è e ‘l resterà semper um sol, el Catoi, ‘dès l’è da qualche banda, brazzi sul taòl, ociài e ‘n bicièr. No ‘l gh’en capìss bem de ‘sti novi agiegi. Ma ‘l leze, ‘l varda, ‘l ride tra per lù. Come quando, lì, subit drio ‘l Trentino, tra guide, ciodi e feramenta varia, ‘l diseva: “Vei n’alter moment, ‘dès no gò propri temp”. L’è lù, putei, done e vecioti, quel che ‘feva tremar tuti quanti. Quando zò, a l’oratori, quel vecio de via de la Zenta, parleva le so comedie. Tra guàzzi assesori e pie done en fregola, tra muri che vede e oseleti che fa le babe, l’er quel el moment de la verità. Come ‘l Pasquin, l’Arlechìm batocio e ‘l Pulcinela napoletam, e prima de lori le feste del dio pagam, no ghera gnent che scapeva al copiom. Arco l’era, zamai, ‘n paesòm. Tuti che i ‘sa, tuti che i varda. Ma ‘l Bruno dala Moleta, ‘l saveva tut. E quando ti, comot en sala, te te sentivi nominar, ah l’era tardi caro mio, l’era meio star lì fermo, no ‘arfiar. E quanti politizi deventai rossi, pu del veludo dele poltrone. E quante done, po’ a cà’, le ha dovù dir el pecà. E quanti omeni, stesse strazze, i è stài na not, lì a spiegar. Me par de sentirlo, ades, el Bruno, dirme ancor: “Ti te sei zòvem. Prima de far comedie o alter, scolteme mi, porta pazienza. Meti ‘n la testa, dì per dì, quel che te vedi, quel che te senti. Mai dir che quel l’è brut, fat mal o sbaglià….basta che te dighi sol e semper la verità.