Amàr l’è sòfrir

di FRANCO CHIESA

Se no se vòl sòfrìr, no se deve amàr.
Però alora se sòfre perché no se ama,
pertant amàr l’è sòfrìr, no amàr l’è sòfrìr
e sòfrìr, l’è sòfrìr.
Esèr felìzi , l’è amàr, alora èser felìzi l’è sòfrìr,
ma sòfrìr ne rende infelìzi.
Quindi per èser infelìzi se deve amàr , o amàr e sofrìr ,
sofrìr per èser màsa felìzi….
Mì spero che tì che te sei drìo che te lezi , te sépi drio a tor
appunti !!!

CARO PAPA’

di FRANCO CHIESA

Caro papà, carissimo papà mio, te parlo senza veli, come te me vedi ti ades dal zèl.
Quant che t’ho volèst bem e rispetà, l’è gnent rispeto a quel che te m’hai dat, sia a mi che nela stessa
misura a me fradel, anca se dopo l’avem interpretà ala nosa maniera, ma l’è sta veramente grande
el to amor verso de noi. Te penso sempre …

Ancoi però, gò ancor pù bisogn de ti che , anca se el salta for de spess, ades me par de sentirme
pù orfano del solit, anca se som n’om adulto e provà en misura inversamente proporzionale ala me età
e alla me, ciamenteghe, esperienza. E proprio sta me esperienza, la me mete en conflitto, co la mia,
co la nosa umana solitudine.
Da bocia, te eri sempre el Grande papà sempre presente al momento giust, zugherelom al momento giust,
severo e sù l’alto là al momento giust. Mam mam che cresevo coi ani, forse no cresevo dentro col stes
ritmo, forse te deludevo, quando no te scoltevo perché te me parevi pesante con tut el to saer, ma,
ero sempre de corsa da ti per eser aiutà quando capivo i me limiti e i me bisogni.
Papà, te me manchi … Soratut perché no gh’ò ‘mparà da ti come avria volest,
l’arte dela comprensiom e dela pazienza con le persone e sì, che te me n’hai dat tanti de esempi
e dimostraziom. Spess, quando te penso, me ciapa en penser , l’è nostalgia e me par che me sciòpa el cor,
sì … me piaserìa averte chi almem per en di entier, adess, adess che no l’è pù possibile, adess che no
saveria nianca pù ‘sa dirte, cosa offrirte, ‘sa confessarte, da li, adess, te sai zà tut de mi.
Ma la capsula de sto corpo mortale, la me tra en inganno, perché adess te sai tut de mi,
so che te me perdoni, come t’hai sempre fat, qualsiasi tort o eror che gh’ò fat .
Che me calma el dolor dela to mancanza, l’è sol i bei momenti vissudi ensèma a ti, la gioia de averte avù
come papà, l’orgoglio che a mi me sia capità en papà come ti.
Ciao. Te voi bem , papà.