Ah bem mi, aoh …

di Enrico Tavernini

Enrico Tavernini

Spes capita de trovarse davanti a’l gnapo de turno. Te poi anca star lì a spiegarghe quela de l’ors, ma no gh’è gnent da far, perchè el gnapo el vol gaverghe sempre resom lu, a prescindere e ‘l se ne vei for con “nonscialans”, “sprechenando” su le so resom. Sperando che ala fim tuti i la pensa come lu, disendoghe: “ma sat che te g’hai resom?”.

Per dir … ‘Na volta ero en t’en parcheggio, ‘ndo che a vegnir for gh’era el senso unico, ma ‘sto macaco el m’ha vist arivar e ‘nveze de far el mea culpa, l’ha volù continuar, tronfio dela so cappella. Enfatti el continua a vegnir for, nonostante che me son mes en mez per non farlo vegnir for e g’ho fat veder el cartel.

Ma lu gnent e ‘l me fa “ormai … va benom, dai …”. Me giro e vedo el classico pensionà che sbazzega en giro: el famos veciot dal capel e mi ghe fago “at vist che paiazo?” e lu “ah bem, mi aoh …” Bom… ‘sta frase la m’è pesada. Perchè i paiazi i era deventai doi. Perchè anca el secont no’ l scherzava e ‘l voleva competer per la nominescion come semo de guera ..
Ma quanta zent gh’è che la vol svincolarse con ‘sta frase? Anca massa diria. Gnanca ghe fussa stada l’offerta del tre per do, nel supermercato de turno.

Me vei en ment anca quel fagnagna che ‘l seitava sempre a usarla, fim ala esasperaziom, agiungendoghe anca qu cioè” che de solit se sente da zerti fumai de erba (ma non parlem de zicoria) …
Ensoma, ala fim ‘sto “ah bem mi, aoh …” se se’l trova sempre en mez ai ovi, che te vei da pensar “meno male che non sem a pasqua”, perchè alora non se circoleria pù, da tuti quei ovi che gireria come tanti vagabondi. Altro che nomadi e daolio vari.
Ma non stente a divagarne masa e tornem a noi.
Se diseva de quel termine ormai enflazionà, alla faccia dei politici e dei economisti de turno.
Sventolandolo come en gal zedrom a festa, el lo feva pasar per “el gerundio del salam”.
“Ah bem mi, aoh…” ancoi, “ah bem mi, aoh…” doman, se envecia piam piam, che no ne rendem gnanca cont”.
Me’l som trovà davanti e dit da persone de tutte le età e de tutte le posiziom sociali. Dal pu zovem al pu vecio, dal por laor al sioret e dal più semo al pu intelligente.
Gira e rigira, sempr en mez ai pei. L’era en po come el zobia.

L’era sempre de moda, tronfio della so fama en tuta la provincia dei trentinoti.
E anca en mili situaziom l’ho trovà. Ma en ognuna el feva la so sporca figura.
L’era en po come Oriali, ‘n tela canzom del Ligabue. Na vita a far el laor de fadiga, dandoghe ai altri i meriti e la luce dei riflettori, entant che lu el se feva ‘n cul così.
Se po volem vardar bem, gh’è anca quei che ghe zuga sora e che i fa de tut per passar da tonti, così non se pol farghe en processo sulle intenziom.

Perchè risulteria fat tut en bonafede. Ma come se dis …  sarìa stada tuta na commedia per i ochi, quando envezi lori i sarìa stati assolti perchè el fatto no ‘l sussisteva. Cramento che paroloni. Me paro el vecio avvocato: el Petrocelli. Quel che neva en voga quando che ero en matelot.
Chissà come che’l se sarìa posto lu, davanti a ‘n caso de “bem mi aoh…”. Magari el lo portava en penale, riuscendo a far condanar chi che ‘l lo usava de continuo e ‘n ten modo maniacale.

Me sa che davera el ghe sarìa riuscì. Magari el ghe meteva fine a ‘sta moda del pit.
Varda … secondo mi, nessuna società de scommesse el lo darìa perdente. I lo quoteria 1,01 per la vittoria e 3000 per la sconfitta. Si … saria pront a farghe la firma.
Anzi … savè che ve digo? Som strasicur.
Me dirè “set convinto convinto?” e mi “ah bem mi, aoh… SI”