STAR DA SOL SPACA LE PAREANE

Te te trovi ti sol: sol ti e ti

e ‘sto star per to cont

‘l trà zò le to pareàne,

‘l sera tuti i ùssi che gòsa

e anca quei che fa zito

El te porta via tut quel

che te podrèssi lezer

e sòra i oci l’è come

te gàvèssi man giazàe

El te buta adòs la zèndro

sòra quel che ‘n tant

t’avressi dovù scriver

E alora, desmentgà zamài

anca come te te ciàmi

no te sei pu bòn, de colp

de scrivèr, de parlar d’amòr

E sui spègi del to sìto

va ‘n mili tòchi

tut quel che te te ricordi

fin quando te sei restà sòl